अयोध्या : उत्तर प्रदेशच्या अयोध्या जिल्ह्यात एका तरुणाने आधी ओळख लपवून अल्पवयीन मुलीशी मैत्री केली. त्यानंतर तिच्यावर बलात्कार करून तिचे अश्लील फोटो काढले. या घटनेने परिसरात खळबळ उडाली आहे. पीडितेच्या कुटुंबीयांच्या तक्रारीवरून पोलिसांनी तत्काळ आरोपी तरुणाला अटक केली.
धर्म लपवून मुलीशी मैत्री केली : पीडितेच्या नातेवाईकांनी पोलिसांना दिलेल्या तक्रारीत आरोप केला की, सुरुवातीला या तरुणाने अल्पवयीन मुलीशी त्याचा धर्म लपवून आणि नाव बदलून मैत्री केली. इंस्टाग्रामच्या माध्यमातून ओळख वाढवल्यानंतर तरुणाने तरुणीला गंडा घातला आणि तिच्यावर बलात्कार केला. या दरम्यान तरुणाने अश्लील फोटो आणि व्हिडिओही बनवले. तरुणाचा धर्म कळाल्यानंतर तरुणी त्याच्यापासून दूर गेली. त्यानंतर तरुणाने तिचे अश्लील फोटो फेक आयडीद्वारे सोशल मीडियावर व्हायरल केले.
पोलिसांनी केली अटक : गोसाईगंज पोलीस ठाण्याचे प्रभारी निरीक्षक संतोष सिंह यांनी सांगितले की, फरार आरोपी मोहम्मद अर्श कुमार मुस्ताक, रा. अमहत जिल्हा सुलतानपूर गोसाईगंज पोलीस स्टेशनमध्ये नोंदवलेल्या बलात्कारप्रकरणी फरार होता. तो सोशल मीडियावर अश्लील फोटो आणि व्हिडिओ अपलोड करत होता. त्याला अटक करण्यात आली आहे. मोहम्मद अर्शचे वय सुमारे 22 वर्षे आहे. पोलिसांनी त्याला सोमवारी तांडौली रेल्वे क्रॉसिंगजवळून अटक केली.
राज्यात अशा घटनांमध्ये वाढ : गेल्या काही दिवसांपासून राज्यात अशा प्रकरणात वाढ होत आहे. मात्र आजतागायत प्रशासनाकडून ते थांबवण्यासाठी कोणतेही ठोस पाऊल उचलण्यात आलेले नाही. विशेष म्हणजे 17 जून रोजी राजधानी लखनऊमध्येही असाच एक प्रकार समोर आला होता. येथे, इंस्टाग्रामवर मैत्री केल्यानंतर अल्पवयीन मुलगी तिच्या मित्राला भेटायला गेली. तेथे तिचे काही गोष्टीवरून भांडण झाले, त्यामुळे तिचा मित्र निघून गेला. यानंतर अनोळखी व्यक्तींनी मदतीचे आश्वासन देऊन तिच्यावर अत्याचार केला. त्यानंतर एका कार चालकाने आधार देण्याच्या बहाण्याने तिच्यावर बलात्कार केला आणि तिला बेशुद्धावस्थेत सोडून पळ काढला. पोलिसांनी या प्रकरणी गुन्हा दाखल करून तीन आरोपींना कारागृहात पाठवले आहे.
हेही वाचा :
- Mumbai Crime News: भयानक! लिव्ह इन रिलेशनशिपमधील प्रियकराने रिक्षात विवाहित प्रेयसीचा चिरला गळा
- Husband Raped On Wife : बंदुकीचा धाकाने हॉटेल वैशालीची घेतली मालकी; ड्रग्स देऊन विवाहितेवर बलात्कार, गुन्हा दाखल
- Mumbai Crime News: पब्जीच्या मैत्रीमुळे प्रियकर तुरुंगात; बनावट इंस्टाग्राम आयडी बनवून मुलींना प्रेमात अडकवायचा, नकार दिल्यावर करायचा बदनामी
