नवी दिल्ली:दिल्लीच्या इंदिरा गांधी आंतरराष्ट्रीय विमानतळावर परदेशातून (Delhi IGI Airport) येणाऱ्या प्रवाशांची कोविड चाचणी सुरू आहे. आतापर्यंत 17 प्रवाशांचा अहवाल पॉझिटिव्ह आला आहे. बुधवारी तीन प्रवाशांचा अहवाल पॉझिटिव्ह आला. (Delhi Corona Update ) अधिकाऱ्यांच्या म्हणण्यानुसार, विमानतळावर कोविड चाचणी करण्यात आलेल्या सर्व प्रवाशांची संपूर्ण माहिती ठेवण्यात आली आहे. (Corona Update) जेणेकरून रुग्णाचा अहवाल पॉझिटिव्ह आल्यास त्यानुसार पुढील कारवाई करण्यात येणार आहे (17 passengers so far positive at Delhi IGI Airport ).
सध्या कोणत्याही रुग्णाला आयसोलेशन वॉर्डमध्ये पाठवण्याबाबत कोणतीही मार्गदर्शक तत्त्वे आलेली नाहीत, (Delhi Corona Update ) त्यामुळे रुग्णांना सॅम्पल घेतल्यानंतर लगेचच जाऊ दिले जाते. यानंतर एखाद्याचा अहवाल पॉझिटिव्ह आल्यास संबंधित जिल्हा प्रशासन पथके त्यांच्याशी संपर्क साधतात. त्यांना अहवालाची माहिती देतो आणि त्यांना होम आयसोलेशनमध्ये राहण्यास सागण्यात आले आहे.
दुसरीकडे, तीन दिवसांपूर्वी विमानतळावर म्यानमारच्या प्रवाशांचा अहवाल पॉझिटिव्ह आला होता, त्यांना रुग्णालयातून सोडण्यात आले. म्यानमारहून रविवारी 11 पर्यटकांचा समूह विमानतळावर पोहोचला होता, त्यापैकी चार पॉझिटिव्ह आले होते. आता त्यांचा अहवाल निगेटिव्ह आला असून त्यांना डिस्चार्ज देण्यात आला आहे. चीनसह काही देशांमध्ये कोरोनाची स्थिती पाहता, आंतरराष्ट्रीय उड्डाणांमधून येणाऱ्या प्रवाशांपैकी दोन टक्के प्रवाशांची दररोज कोविड चाचणी अनिवार्य करण्यात आली आहे.
ज्या प्रवाशांचा अहवाल पॉझिटिव्ह आला आहे. त्यांचे नमुने जीनोम सिक्वेन्सिंगसाठी पाठवण्यात आले आहेत. कोरोनाचे नवीन प्रकार BF.7 समोर आल्यानंतर शनिवारपासून पुन्हा एकदा IGI विमानतळावर तपासणी सुरू करण्यात आली आहे. विमानतळावर चाचणी करणाऱ्या जेनस्ट्रिंग डायग्नोस्टिक सेंटरच्या संस्थापक डॉ. गौरी अग्रवाल यांच्या म्हणण्यानुसार, आरोग्य आणि कुटुंब कल्याण मंत्रालयाने जारी केलेल्या सूचनांचे पालन करून, IGI विमानतळावर दररोज येणाऱ्या दोन टक्के प्रवाशांची तपासणी केली जात आहे.
दिल्लीचे उपमुख्यमंत्री मनीष सिसोदिया म्हणाले की, दिल्ली सरकारची रुग्णालये, वैद्यकीय आणि पॅरामेडिकल कर्मचारी या महामारीचा सामना करण्यासाठी पूर्णपणे तयार आहेत. त्यामुळे लोकांनी घाबरण्यापेक्षा सतर्क राहण्याची गरज आहे. सिसोदिया यांनी रुग्णालयातील सर्व अत्यावश्यक औषधांचा संपूर्ण साठा त्यांच्या रुग्णालयांमध्ये ठेवण्याच्या सूचना दिल्या, जेणेकरून गरज असताना तुटवडा भासू नये, तसेच रुग्णालयांसाठी आवश्यक औषधे खरेदी करण्यासाठी आरोग्य संचालनालयाला 104 कोटी रुपयांचा अतिरिक्त निधीही जारी करता येईल.
