कोलकाता - पश्चिम बंगालमध्ये विधानसभा निवडणुकीची रणधुमाळी सुरू आहे. राज्यात तृणमूल काँग्रेस, भाजपा आणि काँग्रेस-डाव्याची युती सत्तेत येण्यासाठी प्रयत्न सुरू आहेत. भाजपा आणि तृणमूल काँग्रेसमध्ये मुख्य लढत पाहायला मिळत आहे. बंगाल काँग्रेस अध्यक्ष अधीर रंजन चौधरी यांनी पत्रकार परिषद घेतली. मुख्यमंत्री ममता बॅनर्जी यांना गरज पडल्यास काँग्रेस पाठिंबा देणार का, असा प्रश्न त्यांना विचारण्यात आला. यावेळी अधिर रंजन यांनी काल्पनीक प्रश्नांची ही वेळ नाही. मात्र, राजकारणात काहीही शक्य आहे, असे उत्तर दिले.
अधीर रंजन चौधरी यांची पत्रकार परिषद
काल्पनिक प्रश्नांची ही वेळ नाही. कारण आम्ही सत्तेत येणार आहोत. ममता बॅनर्जी हरल्यास त्या कुणासोबत जातील हे माहित नाही. राजकारणात काहीही होऊ शकते, असे चौधरी म्हणाले.