कोलकाता : पश्चिम बंगालच्या मुख्यमंत्री ममता बॅनर्जी यांच्या घरात घुसखोरी केल्याप्रकरणी अटक करण्यात आलेल्या हाफिझुल मोल्लाची ( Hafizul Arrested In Mamata Residence Trespassing ) चौकशी केल्यानंतर पोलिसांनी आणखी खळबळजनक माहिती मिळवली आहे. हफिझुल मोल्लाने अनेक बांगलादेशी सिमकार्ड वापरल्याचे ( Man Arrested With Bangladeshi Sim Cards ) कळते. पण त्या सिमकार्डचा वापर करून तो नियमित कोणाच्या संपर्कात होता हे मात्र अजून स्पष्ट होऊ शकलेले नाही.
एसआयटीकडून तपास सुरु :कोलकाता पोलिस मुख्यालय लालबाजारच्या सूत्रांनी दिलेल्या माहितीनुसार, आरोपीने मुख्यमंत्र्यांच्या निवासस्थानाची काही छायाचित्रे बांगलादेशातील अनेक लोकांना दिली. कोलकाता पोलिसांच्या विशेष तपास पथकाने (एसआयटी) या संपूर्ण घटनेचा तपास सुरू केला आहे. आतापर्यंत मिळालेल्या माहितीवरून तपासत आहेत की, बांगलादेशातील कोणत्या प्रतिबंधित दहशतवादी संघटनेशी हाफिजुलचे काही संबंध आहेत का?