पश्चिम बंगालमध्ये भाजपात उलथापालथ.. खासदाराचा राजीनामा, तृणमूलमध्ये केला प्रवेश.. वरिष्ठ नेते कोलकात्यात दाखल

पश्चिम बंगालमध्ये भाजपचे खासदार आणि आमदार टीएमसीमध्ये परतल्यानंतर हायकमांडने ही बाब गांभीर्याने घेतली आहे. अजूनही काही आमदार, खासदार भाजपला सोडचिठ्ठी देण्याच्या मार्गावर आहेत. त्यामुळेच या परिस्थितीला तोंड देण्यासाठी भाजपने वरिष्ठ नेत्यांचे एक शिष्टमंडळ कोलकात्यात पाठवले ( BJP central team visits West Bengal ) आहे.

कोलकाता ( पश्चिम बंगाल ) : नुकतेच भाजप खासदार अर्जुन सिंह यांनी तृणमूल काँग्रेसमध्ये प्रवेश केला. ते तृणमूल काँग्रेसमध्ये जाताच भाजपच्या हायकमांडने पक्षात निर्माण झालेला असंतोष हाताळण्यासाठी एक शिष्टमंडळ पश्चिम बंगालला ( BJP central team visits West Bengal ) पाठवले. भाजपचे सरचिटणीस भूपेंद्र यादव हेही केंद्रीय शिष्टमंडळासोबत येणार होते, मात्र काही कारणास्तव ते येऊ शकले नाहीत.

खासदार अर्जुन सिंह यांनी तृणमूल काँग्रेसमध्ये (टीएमसी) पुन्हा प्रवेश केल्यानंतर २४ तासांच्या आत भाजपने एक केंद्रीय शिष्टमंडळ राज्यात पाठवले आहे. अमित मालवीय यांच्या नेतृत्वाखालील विशेष केंद्रीय शिष्टमंडळाने सोमवारी बंगालला भेट ( amit malviya in kolkata ) दिली आणि न्यूटाऊन येथील पंचतारांकित हॉटेलमध्ये भाजपचे प्रदेशाध्यक्ष सुकांता मजुमदार आणि विरोधी पक्षनेते सुवेंदू अधिकारी यांची भेट घेतली. या बैठकीत सुवेंदू अधिकारी यांना बराकपूर जिल्ह्याची विशेष जबाबदारी देण्यात आली. दरम्यान, केंद्रीय नेतृत्वाने भाजपचे अखिल भारतीय उपाध्यक्ष दिलीप घोष यांना तातडीने दिल्लीत बोलावले आहे. भाजपचे राष्ट्रीय अध्यक्ष जेपी नड्डा 25 मे रोजी दिल्लीत दिलीप घोष यांच्यासोबत बैठक घेणार आहेत. या भेटीमुळे दिलीप घोष यांना पुन्हा बंगालमध्ये अधिक जबाबदारी मिळण्याची शक्यता आहे.

सुकांत मजुमदार कमी अनुभवी असल्याने दिलीप यांना राज्यात विशेष जबाबदारी दिली जाऊ शकते, असे सूत्रांकडून समजते. दिलीप यांच्या नेतृत्वाखाली बंगालमध्ये भाजप संघटन मजबूत करण्याची प्रक्रिया सुरू होऊ शकते. दिलीप घोष यांनी मात्र अशा कोणत्याही बदलांवर थेट भाष्य केले नाही. ते म्हणाले की दिल्लीत नियमित बैठक होणार होती आणि त्यापूर्वी जेपींनी नड्डाजींची भेट घेतली होती. काही मुद्द्यांवर मी २५ मे रोजी पुन्हा भेटणार आहे. हे एक सामान्य प्रकरण आहे.