Bilawal Bhutto Zardari : परराष्ट्र मंत्री बिलावल यांच्या वक्तव्यावरुन गदारोळ, भाजपचे आज देशभरात आंदोलन

दिल्लीतील पाकिस्तानी उच्चायुक्तालयाबाहेर भाजप कार्यकर्त्यांनी निदर्शने केली. खरे तर पाकिस्तानचे परराष्ट्र मंत्री बिलावल भुट्टो-झरदारी ( Bilawal Bhutto Zardari ) यांनी पत्रकार परिषदेत पंतप्रधान नरेंद्र मोदी ( Prime Minister Narendra Modi ) यांच्यावर अपमानास्पद टिप्पणी केली होती.

नवी दिल्ली : पाकिस्तानचे परराष्ट्र मंत्री बिलावल भुट्टो ( Bilawal Bhutto Zardari ) यांनी पंतप्रधान नरेंद्र मोदी ( Prime Minister Narendra Modi ) यांच्याविरोधात केलेल्या वक्तव्यावर भारतीय जनता पक्ष आक्रमक झाले. या संदर्भात आज भाजपकडून पाकिस्तानच्या परराष्ट्रमंत्र्यांच्या विरोधात देशभरात निदर्शने करण्यात येणार आहेत. यासोबतच भाजपचे कार्यकर्ते पाकिस्तान आणि पाक परराष्ट्रमंत्र्यांच्या पुतळ्याचे दहन करतील, याआधी शुक्रवारीही पक्षाच्या अनेक नेत्यांनी आणि कार्यकर्त्यांनी पाकिस्तान उच्चायुक्तालयाजवळ निदर्शने केली.

वक्तव्याबद्दल माफी मागावी :भुट्टो यांच्या 'असंवेदनशील' वक्तव्याबद्दल त्यांनी माफी मागावी, अशी मागणीही विरोधकांनी केली. आंदोलकांनी भाजपचे झेंडे आणि फलक घेतले होते, ज्यात काही 'पाकिस्तान औकट में आओ और माफी मांगो' आणि 'पाकिस्तान होश में आओ' असे लिहिले होते. भुट्टो यांनी मोदींविरोधात केलेल्या वैयक्तिक वक्तव्यावर टीका करताना पक्षाच्या एका नेत्याने सांगितले की, आम्ही भुट्टो यांच्या वक्तव्याचा निषेध करतो. पंतप्रधान नरेंद्र मोदी यांच्या विरोधात ते अशी भाषा कशी वापरू शकतात.

अपमानास्पद केले वक्तव्य :एका पक्षाच्या नेत्याने सांगितले की, भारतीय नेत्यावर हल्ला केल्याबद्दल पाकिस्तानला संयुक्त राष्ट्रातून बाहेर फेकले पाहिजे. ते दहशतवाद्यांना आश्रय देतात. भुट्टो यांनी भारतीय नेत्यांसाठी असे शब्द वापरू नयेत, असे आणखी एका नेत्याने सांगितले.तर ताहिर खान या भाजप नेत्याने सांगितले की,आम्ही आमच्या नेत्याविरोधात अशी असंवेदनशील विधाने खपवून घेणार नाही. पाकिस्तानने माफी मागावी.भारताचे परराष्ट्र मंत्री एस जयशंकर यांनी संयुक्त राष्ट्र सुरक्षा परिषदेच्या बैठकीत दहशतवादाला पाठिंबा दिल्याबद्दल पाकिस्तानवर जोरदार हल्ला चढवल्यानंतर भुट्टो यांनी ही टीका केली.खरे तर, पाकिस्तानचे परराष्ट्र मंत्री बिलावल भुट्टो-झरदारी यांनी नवी दिल्ली आणि इस्लामाबाद यांच्यात दहशतवादावर सहकार्याचे आवाहन केले आहे, परंतु भारताचे पंतप्रधान नरेंद्र मोदी यांच्यावरही वैयक्तिक हल्ला केला आहे. पत्रकार परिषदेत त्यांनी पाकिस्तानी पत्रकाराने विचारलेल्या प्रश्नांवर मोदींबद्दल अपमानास्पद वक्तव्य केले.