Gujarat-Himachal Result 2022 : गुजरातमध्ये मोदी-शहांचा डंका; हिमाचलमध्ये सत्तांतर पण घोडेबाजाराची भिती कायम

गुजरातमध्ये दणदणीत विजय (Gujarat election result 2022) मिळवत भाजपने (BJP) इतिहास रचला आहे. पण हिमाचल प्रदेशमध्ये (Himachal Pradesh Result 2022) भाजपला सत्ता राखण्यात अपयश आले आहे. हिमाचल प्रदेशमध्ये काँग्रेसने बहुमत मिळवले आहे.

गांधीनगर/शिमला - संपूर्ण देशाचे लक्ष लागलेल्या गुजरात (Gujarat Election Result 2022) व हिमाचल प्रदेश विधानसभा निवडणुकीचा (Himachal Pradesh Result 2022) निकाल आज जाहीर झाला आहे. गुजरातमध्ये सलग सातव्यांदा भाजपाचे सरकार येणार असल्याचे निश्चित झाले आहे. भाजपाने ऐतिहासिक कामगिरी केली असून 182 पैकी 156 जागा जिंकल्या आहेत. काँग्रेसचा मात्र दारुण पराभव झाला आहे. काँग्रेसला फक्त 17 जागांवर विजय मिळवला आहे. तर तिकडे हिमाचलमध्ये मात्र भाजपचा पराभव झाला आहे. तर काँग्रेसने आता तिथे सत्ता स्थापनेसाठी हालचाली सुरू केल्या आहेत.

गुजरातमध्ये काँग्रेसचे विरोधीपक्ष नेते पदही जाणार - गुजरात विधानसभेच्या 182 जागा आहेत. विरोधीपक्ष पदासाठी कमीतकमी 10 टक्के जागा निवडून येणे अनिवार्य आहे. विरोधी पक्ष नेतेपदासाठी गुजरातमध्ये कमीतकमी 18 जागा हव्या आहेत. पण सध्याच्या आकडेवारीवरुन काँग्रेसला 17 जागा मिळाल्या आहेत. 2017 मध्ये झालेल्या गुजरात विधानसभा निवडणुकीत काँग्रेसला 77 जागा मिळाल्या होत्या.

हिमाचलमध्ये काँग्रेसचा डंका - हिमाचल प्रदेशच्या विधानसभा निवडणुकीत कोण बाजी मारणार याकडे सर्वांचेच लक्ष लागले होते. येथे विधानसभेच्या ६८ जागांसाठी ४१२ उमेदवार रिंगणात होते. या निवडणुकीसाठी १२ नोव्हेंबर रोजी एकाच टप्प्यात ७५.६ टक्के मतदान झाले होते. या राज्यात प्रत्येक पाच वर्षांत सत्ताबदल होतो. हीच परंपरा यावेळीही कायम राहिली आहे. येथे काँग्रेसने बहुमताचा आकडा पार केला आहे. त्यामुळे येथे काँग्रेसच्या सत्तास्थापनेचा मार्ग मोकळा झाला आहे. हिमाचलमध्ये भाजपला 25 जागा मिळाल्या असून, काँग्रेसचा 40 जागांवर यश मिळाले आहे.

हिमाचलचे गणित - गुजरातमध्ये दणदणीत विजय (Gujarat election result 2022) मिळवत भाजपने (BJP) इतिहास रचला आहे. पण हिमाचल प्रदेशमध्ये (Himachal Pradesh Result 2022) भाजपला सत्ता राखण्यात अपयश आले आहे. हिमाचल प्रदेशमध्ये काँग्रेसने बहुमत मिळवले आहे. काँग्रेसने 40 जागांवर बाजी मारली आहे तर भाजपला 25 जागांवर समाधान मानावे लागले.