UP Election 2022 : स्वत:च्या मुलाला उमेदवारीसाठी भाजप खासदार रीता बहुगुणा जोशी तयार

मंगळवारी रीता बहुगुणा जोशी ( Rita Bahuguna Joshi ) माध्यमांशी संवाद साधताना म्हणाल्या, त्यांचे पुत्र मयंक जोशी ( Mayank Joshi ) 2009पासून पक्षासाठी काम करत आहेत. त्यांनी लखनऊ कैंट येथून उमेदवारीसाठी अर्ज केला आहे. मात्र, पक्ष 'एक परिवार एक तिकीट' हा नियम लागू करत आहे. त्यामुळे मयंकला तिकिट मिळाल्यावर ते स्वत: आपल्या वर्तमान लोकसभा खासदारकीचा राजीनामा द्यायला तयार आहे.

नवी दिल्ली - अलाहाबादच्या भाजपा खासदार रीता बहुगुणा जोशी (Rita Bahuguna Joshi) उत्तर प्रदेश विधानसभा निवडणुकीत ( UP Election 2022 ) आपला मुलगा मयंक जोशीला ( Mayank Joshi ) लखनऊ कैंट मतदारसंघातून तिकिट मिळावे म्हणून प्रयत्न करत आहेत. यासाठी त्यांनी आपल्या खासदारकीचा राजीनामा द्यायला, तयार असल्याचे सांगितले आहे. यासंबंधित त्यांनी पक्षाचे राष्ट्रीय अध्यक्ष जेपी नड्डा ( BJP President JP Nadda ) यांना पत्र लिहिले आहे.

मंगळवारी रीता बहुगुणा जोशी माध्यमांशी संवाद साधताना म्हणाल्या, त्यांचे पुत्र मयंक जोशी 2009पासून पक्षासाठी काम करत आहेत. त्यांनी लखनऊ कैंट येथून उमेदवारीसाठी अर्ज केला आहे. मात्र, पक्ष 'एक परिवार एक तिकीट' हा नियम लागू करत आहे. त्यामुळे मयंकला तिकिट मिळाल्यावर ते स्वत: आपल्या वर्तमान लोकसभा खासदारकीचा राजीनामा द्यायला तयार आहे.

त्या पुढे म्हणाल्या की, 'मी हा प्रस्ताव भाजपा अध्यक्ष जेपी नड्डा यांना पाठवला आहे. तसेच नेहमी भाजपासाठी काम करत राहील. पक्ष माझा प्रस्तावाला स्विकार करणे अथवा नाकारणे दोन्ही पर्याय निवडू शकते. मी गेल्या अनेक वर्षांआधीच घोषणा केली होती की, मी निवडणूक लढवणार नाही.

हेही वाचा -Priyanka Gandhi attack on CM Yogi : प्रियंका गांधींची युवा वर्गाला साद; तर योगींवर टीका

लखनऊ कैंट जागा झाली महत्वपूर्ण -

लखनऊ कैंट विधानसभा मतदारसंघासाठी अनेक भाजपा नेते शक्कल लढवत आहेत. मात्र, या जागेवर पक्षाचा एक आमदार आहे. भाजपा खासदार रीता बहुगुणा जोशी यांनी 2017मध्ये ही जागा जिंकली होती. आपला मुलगा मयंक जोशीला ते आता याठिकाणाहून राजकारणात उतरवत आहेत. अलाहाबादहुन लोकसभेची निवडणूक जिंकल्यानंतर त्यांनी 2019 मध्ये आमदारकीचा राजीनामा दिला होता. माजी आमदार सुरेश तिवारी यांनी 2019मध्ये येथून पोटनिवडणूक जिंकून भाजपसाठी ही जागा जिकंली होती. दरम्यान, त्यांनी 1996, 2002 आणि 2007मध्येही याठिकाणी निवडणूक जिंकली होती.