Karnataka election :कर्नाटक विधानसभा निवडणूक 2023 ची मतमोजणी आज होत आहे. एक्झिट पोलमध्ये काँग्रेसचा विजय दाखवण्यात आला होता. त्यानुसार काँग्रेस पक्ष कामगिरी करताना दिसत आहे. तर कनार्टकात आपली सत्ता असावी म्हणून पंतप्रधान मोदींनी भगवान हनुमानाला साद घातली होती. परंतु हनुमानाने काँग्रेसच्या पंजेत विजयाची संजीवनी दिली. दरम्यान मतमोजणीनुसार भाजपा पिछाडीवर आहे. त्याचबरोबर जेडीएसदेखील पिछाडीवर आहे. अशात भाजपाने सत्ता राजकारण सुरू केले आहे. सत्ता स्थापन करण्यासाठी जेडीएसशी संपर्क केला जात आहे. यामुळे एच. डी. कुमारस्वामी हे भाजपाचे हनुमान होणार का हे पाहावे लागेल.
कोणाच्या हातात येणार सत्ता : कर्नाटक राज्यात 224 जागांसाठी 10 मे रोजी निवडणूक झाली होती. या निवडणुकीत 72.67 टक्के मतदारांनी आपला मतदानाचा हक्क बजावला. कर्नाटकातील विधानसभा निवडणुकीसाठी राजकीय पक्षांनी सुमारे महिनाभर प्रचार केला. आता जनता सत्तेच्या चाव्या कुणाकडे देणार आज ठरेल. भाजप सत्ता कायम ठेवणार की काँग्रेस सत्तेत येणार हे अवघ्या काही तासांमध्ये ठरणार आहे.