Bihar Hooch Tragedy : बिहारमध्ये बनावट दारूमुळे 65 जणांचा मृत्यू, विरोधी पक्षाकडून राष्ट्रपती राजवटीची मागणी

बिहारमधील बनावट दारू प्रकरणाचे (Chhapra Hooch Tragedy) पडसाद देशभर उमटत आहेत. 48 तासांत मृतांचा आकडा 65 वर पोहोचला आहे. गुरुवारपर्यंत 26 मृत्यू झाल्याची महिती जिल्हा प्रशासनाने केली आहे. या मुद्द्यावरून विधानसभेतही जोरदार गदारोळ सुरू आहे. छपरातील कुटुंबीयांची भेट घेतल्यानंतर भाजपचे शिष्टमंडळ आज राज्यपालांना भेटून घटनेची माहिती देणार असल्याची शक्यता आहे. ( Bihar Hooch Tragedy 53 People Died )

छपरा : बिहारमधील बनावट दारू प्रकणामुळे ( Bihar Hooch Tragedy ) आतापर्यंत 65 जणांचा मृत्यू झाला आहे. या मुद्द्यावर भारतीय जनता पक्ष विधानसभेत आक्रमक भूमिका घेत आहे. या मुद्द्यावर भारतीय जनता पक्ष विधानसभेत आक्रमक भूमिका घेत आहे. गुरुवारी विरोधी पक्षनेते विजय सिन्हा, विधान परिषदेतील विरोधी पक्षनेते सम्राट चौधरी, माजी उपमुख्यमंत्री तारकिशोर यांच्यासह भाजपच्या शिष्टमंडळाने छपराला भेट दिली. त्यांनी कुटुंबीयांची भेट घेऊन मृत्यूचे कारण आणि तेथे सुरू असलेल्या पोलिस कारवाईचा आढावा घेतला. आज भाजपचे एक शिष्टमंडळ राज्यपालांना भेटून बिहारमध्ये राष्ट्रपती राजवट लागू करण्याची मागणी करणार असल्याची शक्यता आहे.( Bihar Hooch Tragedy 53 People Died )

चौकीदार निलंबित :गुरुवारी सारणचे डीएम राजेश मीना यांनी पत्रकार परिषदेत सांगितले होते की, दारू प्यायल्याने २६ जणांचा मृत्यू झाला. आतापर्यंत पोलिसांनी 126 जणांना अटक केली आहे. डीएमने कालपर्यंत ५१ जणांना अटक केल्याची माहिती दिली होती. येथे पोलीस अधीक्षक संतोष कुमार यांनी सांगितले की, मशरकचे एसएचओ रितेश मिश्रा यांना निलंबित करण्यात आले आहे. तर एका चौकीदारालाही निलंबित करण्यात आले आहे. मरहौरा डीएसपीवर विभागीय कारवाईची शिफारसही करण्यात आली आहे.

बनावट दारूमुळे मृत्यू : तेजस्वी यादव म्हणाले की, 2016 ते 2020 या कालावधीतील एनसीआरबीच्या आकडेवारीनुसार, भाजपशासित राज्यांमध्ये बनावट दारूमुळे सर्वाधिक मृत्यू झाले आहेत. ते म्हणाले की, खासदार दानिश अली यांनी देशभरातील बनावट दारूमुळे झालेल्या मृत्यूंची आकडेवारी मागितली होती. याला उत्तर देताना गृह राज्यमंत्र्यांनी माहिती दिली आहे की ,2016 ते 2020 पर्यंतच्या आकडेवारीनुसार, बनावट दारूमुळे सर्वाधिक मृत्यू मध्य प्रदेशात झाले ज्यात 1214 लोकांचा मृत्यू झाला. दुसऱ्या क्रमांकावर कर्नाटकात ९०९ लोकांचा मृत्यू झाला. पंजाबमध्ये ७२५, हरियाणामध्ये ४७६, गुजरातमध्ये ५० आणि बिहारमध्ये २१ जणांचा मृत्यू झाला आहे.

तेजस्वी यादव :चार महिन्यांपूर्वी भाजप मंत्र्याच्या नातेवाईकाच्या घरातून दारू सापडली तेव्हा किंवा गोपालगंजमध्ये घटना घडली तेव्हा भाजप कुठे होते? गेल्या 4 वर्षांत बिहारपेक्षा गुजरातमध्ये जास्त मृत्यू झाले आहेत. गेल्या चार वर्षात गुजरातमध्ये ५० लोकांचा बनावट दारूमुळे मृत्यू झाला आहे, त्यामुळे देशाचे पंतप्रधान आणि गृहमंत्री याची जबाबदारी घेतील का, ते राजीनामा देतील का?

नितीश कुमार : बिहारमध्ये दारूबंदी झाली, तर काही ना काही करून बनावट दारू विकले जाते, दारू पिऊन लोक मरण पावले. नितीश कुमार म्हणाले की, दारू ही वाईट सवय आहे, तिचे सेवन करू नये. गरिबांना पकडू नका, हा धंदा करणाऱ्यांना पकडा, असे अधिकाऱ्यांना स्पष्टपणे सांगितले आहे. बिहारमध्ये दारूबंदी कायद्याचा अनेकांना फायदा झाला, अनेकांनी दारू सोडली. चुका करणारे सर्वत्र असतील. कायदा झाला तरीही गडबड करणारे लोक करत आहेत.

गावात शोककळा पसरली : छपरामध्ये ५३ जणांचा मृत्यू झाल्याने सर्वत्र शोककळा पसरली आहे. त्याचबरोबर अनेकांची अवस्था अजूनही बिकट आहे. डझनभर लोक रुग्णालयात उपचार घेत आहेत. येथे दारूबंदीचा कोणताही परिणाम दिसून येत नसल्याचे ग्रामस्थांचे म्हणणे आहे. दारूच्या नशेत लोक रोजच दिसतात. बंदी असतानाही लोक छुप्या पद्धतीने दारू पितात.