भोपाल - शंभर मीटरचे अंतर अनवाणी पायाने पार करणाऱ्या युवकाचा व्हीडिओ काही दिवसांपूर्वी व्हायरल झाला होता. या युवकाचा शोध घेऊन सरकाने त्याची धावण्याची चाचणी घेतली. यावेळी १०० मीटरचे अंतर त्याने १३ सेकंदात पार केले. मी यापेक्षा चांगली कामगिरी करू शकतो असा विश्वास त्याने व्यक्त केला.
१९ वर्षांचा रामेश्वर गुर्जर हा शिवपुरी गावचा रहिवासी आहे. रामेश्वरचा अनवाणी धावतानाचा व्हीडिओ व्हायरल झाला आहे. या व्हीडिओत तो १०० मीटरचे अंतर ११ सेकंदात पार करतो. यानंतर त्याची दखल प्रशासनाकडून घेण्यात आली. भोपालमधल्या टीटी क्रीडा मैदानावर त्याची धावण्याची चाचणी घेण्यात आली.