बंगळुरू -कर्नाटकच्या राजधानीत 'काश्मीर मुक्ती'चा फलक घेऊन उभारलेल्या तरुणीला पोलिसांनी अटक केली आहे. बंगळुरूच्या टाऊन हॉलसमोर ही तरुणी हातात फलक घेऊन उभी होती.
'काश्मीर मुक्ती'चा फलक घेतलेल्या तरूणीला बंगळुरूमध्ये अटक!
गुरुवारी कर्नाटकातील एका सीएए विरोधी कार्यक्रमात एका तरुणीने 'पाकिस्तान जिंदाबाद' अशा घोषणा दिल्या होत्या. अमूल्या असे नाव असलेल्या या तरुणीविरोधात हिंदू जागरण वेदिके ही संस्था टाऊन हॉलमध्ये निदर्शने करत होती. यावेळी आंदोलकांमध्ये काश्मीर मुक्तीचा फलक घेतलेली एक तरुणीही सहभागी होती, अशी माहिती बंगळुरू पोलीस आयुक्त भास्कर राव यांनी दिली.