45 हजार नव्या रुग्णांसह देशातील कोरोनाग्रस्तांची संख्या 79 लाखांवर

काल दिवसभरात एकूण 480 कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या 1 लाख 19 हजार 14 झाली आहे..

नवी दिल्ली : गेल्या 24 तासांमध्ये देशात 45 हजार 149 नव्या कोरोना रुग्णांची नोंद झाली. यामुळे देशातील एकूण कोरोना रुग्णांची संख्या 79 लाखांवर गेली आहे. केंद्रीय आरोग्य मंत्रालयाने सोमवारी याबाबत माहिती दिली.

यासोबतच, काल दिवसभरात एकूण 480 कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या 1 लाख 19 हजार 14 झाली आहे. आतापर्यंत देशभरात 79 लाख 9 हजार 960 कोरोना रुग्णांची नोंद झाली असून, त्यांपैकी 6 लाख 53 हजार 717 रुग्ण अ‌ॅक्टिव्ह आहेत. तसेच, आतापर्यंत 71 लाख 37 हजार 229 रुग्णांवर यशस्वी उपचार करण्यात आले आहेत.

तसेच, काल दिवसभरात 9 लाख 39 हजार 309 कोरोना चाचण्या पार पडल्या. यानंतर देशातील एकूण कोरोना चाचण्यांची संख्या 10 कोटी, 34 लाख, 62 हजार, 778 एवढी झाली आहे.