पश्चिम बंगालमध्ये एका महिलेला हात-पाय बांधून मारहाण

पश्चिम बंगालमध्ये आपल्या खाजगी जमिनीवर रस्ता बांधू देण्यास विरोध केल्याने एका महिलेला हात-पाय बांधून मारहाण केल्याची घटना घडली आहे.

कोलकाता - पश्चिम बंगालमध्ये खळबळजनक घटना समोर आली आहे. आपल्या खाजगी जमिनीवर रस्ता बांधू देण्यास विरोध केल्याने एका महिलेला हात-पाय बांधून मारहाण केल्याची घटना घडली आहे. आरोपींविरूद्ध गुन्हा दाखल करण्यात आला असून उत्तर बंगालमधील दिनाजपूर जिल्ह्यात ही घटना घडली आहे.

संबधीत महिला प्राथमिक शाळेची शिक्षका असल्याची माहिती आहे. दिनाजपूर जिल्ह्यातील एका महिलेने आपल्या खाजगी जमिनीवर रस्ता बांधू देण्यास विरोध केल्याने त्या महिलेचे हात-पाय बांधून तीला लोखंडी रॉडने मारहाण केली आहे.महिलेने रविवारी मारहाण करणाऱ्या 5 जणांविरोधात तक्रार दाखल केली असून या प्रकरणी चौकशी सुरु असल्याचे पोलिसांनी सांगितले. आरोपींमध्ये तृणमुल काँग्रेस पक्षाचे नेते अमाल सरकार यांचा समावेश आहे. दरम्यान तृणमुल काँग्रेसने अमाल सरकारचे पक्षातून निलंबन केले आहे.