पटना -भाजप आमदार राम कृपाल यादव हे बुधवारी शहरातील पूरस्थितीचा आढावा घेत होते. यावेळी ते तराफ्यावर उभे असताना, तराफ्याचे संतुलन बिघडल्याने ते पाण्यात पडल्याची घटना घडली. सुदैवाने यावेळी कोणालाही कोणतीही हानी झाली नाही.
पुराचा आढावा घेण्यासाठी गेले अन् स्वतःच पाण्यात पडले...
बिहारला सध्या महापूराचा जोरदार तडाखा बसला आहे. याचा फटका जनसामान्यांसह नेत्यांनादेखील बसताना दिसत आहे. याआधी मंगळवारी बिहारचे आरोग्य मंत्री मंगल पांडे यांच्या घरात पुराचे पाणी शिरले होते. तसेच, राज्याचे उपमुख्यमंत्री सुशील मोदी आणि त्यांच्या कुटुंबीयांना सोमवारी एनडीआरएफ दलाच्या मदतीने सुरक्षित स्थळी हलवण्यात आले होते.