राज ठाकरे हाजिर हो.. १८ फेब्रुवारीला रांची न्यायालयात हजर राहण्याचे आदेश

'छठपुजा म्हणजे केवळ नाटक असते' असे वादग्रस्त वक्तव्य केल्याचा राज ठाकरे यांच्यावर आरोप करण्यात आला आहे. याचिकाकर्त्याने याचिकेत राज यांच्यावर असा ठपका ठेवला आहे.

रांची - राज ठाकरेंविरोधात बिहारच्या रांची येथील न्यायालयात तक्रार दाखल करण्यात आली आहे. छठपुजेप्रकरणी वादग्रस्त वक्तव्य केल्याचा राज यांच्यावर ठपका ठेवण्यात आला आहे. आगामी १८ फेब्रुवारीला राज ठाकरेंना न्यायालयात हजर राहण्याचे आदेश देण्यात आले आहेत.

न्यायालयाने यापूर्वी ठाकरे यांना नोटीस दिली होती. मात्र ठाकरेंकडून कुठलेच उत्तर मिळाले नाही. राज ठाकरेंच्या छठपुजेसंबंधीच्या वक्तव्याने मनावर आघात झाला असल्याचे याचिकाकर्त्यांने म्हटले आहे. 'छठपुजा म्हणजे केवळ नाटक असते' असे वादग्रस्त वक्तव्य केल्याचा राज ठाकरे यांच्यावर आरोप करण्यात आला आहे.