हैदराबाद - विशाखापट्टनम येथील एल. जी पॉरिमर कंपनीत मागील आठवड्यात गॅस गळती झाली. या दुर्घटनेत हजारो टन गॅस वातावरणात पसरला गेला. याप्रकरणी आंध्र प्रदेश उच्च न्यायालयाने एल. जी पॉरिमर कंपनींचा संपूर्ण परिसर ताब्यात घेण्याचे निर्देश दिेले आहेत. कंपनी पूर्णपणे ताब्यात घेतली जाईल आणि कंपनीच्या संचालकांसह कोणालाही आवारात प्रवेश घेता येणार नाही, असे न्यायालायने म्हटले आहे.
सरन्यायाधीश जिंतेंद्र कुमार माहेश्वरी आणि न्यायमूर्ती ललिता कन्नेगंती यांच्या खंडपीठानेही यावर निर्णय दिला आहे. तसेच कोणत्याही समितीला परिसराची पाहणी करण्याचे स्वातंत्र्य असेल, परंतु कंपनीच्या मुख्य द्वारावर असलेल्या रजिस्टरवर तपासणीसंदर्भात माहिती लिहावी लागेल, असे न्यायालयाने म्हटले आहे.