तिरुवनंतपुरम -नागरी सेवा परीक्षा 2019 चा निकाल केंद्रीय लोकसेवा आयोगाकडून जाहीर करण्यात आला झाला आहे. यात केरळमधील एका अंध तरुणाचा समावेश आहे. 23 वर्षीय तरुणाने अंधत्वावर मात करत, सातत्यपूर्ण प्रयत्नांमुळे केंद्रीय स्पर्धा परीक्षेत पहिल्याच प्रयत्नात घवघवीत यश मिळवले आहे. गोकुळ एस. असे तरुणाचे नाव असून तो तिरुवनंतपुरम येथील रहिवासी आहे.
केंद्रीय लोकसेवा आयोगाच्या (यूपीएससी) नागरी सेवा परीक्षेत पहिल्याच प्रयत्नात त्याने 804 क्रमांक मिळविला आहे. गोकुळ बालपणापासूनच शिक्षणशास्त्र आणि अभ्यासात चांगला आहे. सध्या गोकुळ इंग्रजी भाषा व साहित्यात पीएचडी करीत आहे. गोकुळला दृष्टिहीन लोकांच्या कल्याणासाठी आणि उन्नतीसाठी काम करण्याची इच्छा आहे.