नवी दिल्ली -पंतप्रधान नरेंद्र मोदी यांनी सोमवारी कर्नाटकमधील राजीव गांधी आरोग्य विज्ञान विद्यापीठाच्या रौप्य महोत्सवी कार्यक्रमास व्हिडिओ कॉन्फरन्सिंगद्वारे संबोधित केले. डॉक्टर, परिचारिका आणि स्वच्छता कामगारांसोबत हिंसाचार, गैरवर्तन आणि असभ्य वर्तनाच्या घटना समोर येत आहेत. याप्रकारे कर्मचाऱ्यावर केले जाणारे हल्ले सहन केले जाणार नाहीत. जो कोणी यात दोषी असेल त्याच्यावर कारवाई करण्यात येईल, असे मोदी म्हणाले.
कोरोना व्हायरस हा एक अदृश्य शत्रू आहे. जो दिसत नाही. मात्र, कोरोना वॉरियर्सची मेहनत दिसत आहे. आरोग्य कर्मचारी एखाद्या सैनिकासारखे काम करत असून देशासाठी कोरोनाविरोधात लढत आहेत. संपूर्ण जगाचं लक्ष भारताकडे असून भारताच्या डॉक्टरांकडे जगाच्या नजरा आहेत, असेही मोदी म्हणाले.