कामां (भरतपूर) -जिल्ह्यातील कामां येथील धर्मशाला या गावातील ग्रामस्थांनी पोलिसांवर हल्ला केला. यामध्ये एका पोलीस अधिकाऱ्यांसह अनेक पोलीस कर्मचारी जखमी झाले. यानंतर गावात तणाव निर्माण झाल्यानंतर मोठ्या प्रमाणात पोलिस दल तैनात करण्यात आले. तसेच, पोलिसांनी त्यांच्यावर दगडफेक करणाऱ्या लोकांनाही अटक केली आहे.
भरतपूरमध्ये ग्रामस्थांची पोलिसांवर दगडफेक
पोलिसांकडून मिळालेल्या माहितीनुसार, धर्मशाला गावामध्ये गेल्या काही दिवसांपासून दोन गटांमध्ये जोरदार वाद सुरू आहे. यामध्ये झालेल्या हाणामारीत एक युवक जखमी झाला होता. त्याचा उपचारादरम्यान रविवारी मृत्यू झाला. शवविच्छेदनानंतर त्याचा मृतदेह त्याच्या नातेवाईकांना सुपूर्द केला होता. यानंतर रविवारी सायंकाळी युवकाच्या कुटुंबीयांनी त्याच्या मृतदेहावर अग्निसंस्कार केले.