उन्नाव : मदत देण्यासाठी आलेल्या मंत्र्यांच्या असंवेदनशीलतेमुळे गोंधळ; पीडितेचे वडील म्हणाले, पैसा नको; मुलीसाठी न्याय हवा

मदत देण्यासाठी आलेल्या मंत्री मौर्य यांना पीडितेच्या वडिलांनी काही गंभीर स्वरूपाचे प्रश्न विचारले. त्यांची उत्तरे मौर्य यांना देता आली नाहीत. यानंतर ईटीव्ही भारतशी संवाद साधताना पीडितेच्या वडिलांनी आपल्यासाठी मुलीच्या जिवापेक्षा आपल्यासाठी काहीही मोठे नसल्याचे सांगितले.

उन्नाव - मुख्यमंत्री योगी आदित्यनाथ यांनी उन्नाव बलात्कार पीडितेच्या मृत्यूनंतर तिच्या कुटुंबीयांना 25 लाख रुपयांची आर्थिक मदत देण्याची घोषणा केली. यानंतर 25 लाखांचा धनादेश पीडितेच्या कुटुंबीयांना देण्यासाठी योगी सरकारचे मंत्री स्वामी प्रसाद मौर्य त्यांच्या घरी पोहोचले. मात्र, आजूबाजूच्या लोकांनी पीडितेच्या कुटुंबीयांना ५० लाख रुपये देण्याची मागणी केली. या वेळी सपचे कार्यकर्तेही तेथे होते. त्यांनीही हीच मागणी करत जोरदार घोषणा देण्यास सुरुवात केली.

मात्र, मंत्री मौर्य यांचा तोल सुटला आणि त्यांनी 'बदायूं कांडा'वरून भाषणबाजी सुरू केली. मदत देण्यासाठी आलेल्या मंत्र्यांनीच अशा प्रकारची असंवेदनशीलता दाखवल्यामुळे येथील वातावरण तापले. यामुळे पोलिसांना हस्तक्षेप करावा लागला. सप कार्यकर्ते आणि प्रशासनादरम्यान जोरदार वादावादी झाली.

काही वेळात हा गोंधळ शांत झाला. तसेच, 'आपण पीडित कुटुंबीयांसाठी ५० लाखांची मागणी करत होतो. घोषणाबाजी नाही,' असे या लोकांनी आणि सपच्या कार्यकर्त्यांनी सांगितले.

पीडितेचे वडील म्हणाले, पैसा नको; मुलीसाठी न्याय हवा

उन्नावच्या बलात्कार पीडितेची पेटवून देऊन हत्या झाल्यानंतर योगी सरकारने तिच्या कुटुंबीयांना 25 लाखांची आर्थिक मदत दिली. याचा धनादेश मंत्री स्वामी प्रसाद मौर्य घोऊन आले असता पीडितेच्या वडिलांनी मुलीसाठी न्यायाची मागणी केली. मात्र, यादरम्यान आजूबाजूच्या लोकांनी ५० लाखांची मदत मिळावी, अशा नारेबाजीला सुरुवात केली. तेव्हा मंत्री मौर्य यांचा तोल सुटला आणि त्यांनी जोरजोरात बोलण्यास सुरुवात केली. मंत्र्यांच्या या असंवेदनशीलतेमुळे पीडितेच्या वडिलांनी 'सरकार माझ्या मुलीच्या जिवाची किंमत देत आहे का,' असा सवाल मंत्र्यांना केला. 'मला पैसा नको, मुलीसाठी न्याय हवा', असे पीडितेच्या वडिलांनी मंत्री मौर्य यांना सांगितले. यानंतर मंत्र्यांनी आपण शक्य ती सर्व मदत करू, असे आश्वासन पीडितेच्या वडिलांना दिले.

'जोपर्यंत आरोपींचा एन्काऊंटर होत नाही किंवा त्यांना फाशी दिली जात नाही, तोपर्यंत आपल्याला शांती मिळणार नाही,' असे पीडितेच्या वडिलांनी म्हटले आहे.

मदत देण्यासाठी आलेल्या मंत्री मौर्य यांना पीडितेच्या वडिलांनी काही गंभीर स्वरूपाचे प्रश्न विचारले. त्यांची उत्तरे मौर्य यांना देता आली नाहीत. यानंतर ईटीव्ही भारतशी संवाद साधताना पीडितेच्या वडिलांनी आपल्यासाठी मुलीच्या जिवापेक्षा आपल्यासाठी काहीही मोठे नसल्याचे सांगितले.