भुवनेश्वर -ओडिशातील तमनपल्ली गावात एका अज्ञात आजारामुळे आतापर्यंत सहा लहान मुलांचा मृत्यू झाला आहे. हे सर्व मृत्यू गेल्या १५ दिवसांच्या दरम्यान झाले आहेत. त्यामुळे, परिसरातील नागरिकांमध्ये भीतीचे वातावरण निर्माण झाले आहे.
ओडिशात अज्ञात आजाराचे सहा बळी..
मिळालेल्या माहितीनुसार, हा आजार झालेल्या मुलांना सर्दी, ताप, उलट्या आणि अपचनासारखी लक्षणे दिसून येत होती. आतापर्यंत सहा मुलांचा बळी घेतलेल्या या आजाराची लक्षणे, परिसरातील आणखी सात मुलांमध्येही दिसून येत आहेत. या सर्व मुलांना कालिमेला सार्वजनिक आरोग्य केंद्रामध्ये दाखल करुन घेण्यात आले आहे.