श्रीनगर - कुलगाम जिल्ह्यातील चिंगाम प्रांतात झालेल्या चकमकी दरम्यान सुरक्षा दलाच्या जवानांनी दोन दहशतवाद्यांना कंठस्नान घातले आहे. या ठिकाणी हल्लेखोर लपल्याची माहिती गुप्तचर विभागाला मिळाली होती. त्यानुसार संपूर्ण परिसरात शोधमोहिम हाती घेण्यात आली. यावेळी उडालेल्या चकमकीत दोन दहशकवाद्यांचा खात्मा करण्यात सुरक्षा दलाच्या जवानांना यश आले आहे. चिंगाम प्रांतात अद्याप शोधमोहिम सुरू असून काही परिसर सुरक्षा यंत्रणांनी सील केला आहे. तसेच अद्याप चकमक सुरू आहे.
काश्मीर पोलिसांच्या अधिकृत ट्विटर अकाऊंटवरून याबाबत अधिक माहिती देण्यात आली आहे. संबंधित ट्विटनुसार अद्याप सुरू असलेल्या चकमकीत दोन हल्लेखोर ठार झाले आहेत. त्यांची ओखळ अद्याप पटलेली नाही. तसेच या भागात सर्च ऑपरेशन सुरू असल्याचे अधिकृत सूत्रांनी सांगितले आहे.