हैदराबाद - भूमाता ब्रिगेडच्या अध्यक्ष तृप्ती देसाई यांना हैदराबाद पोलिसांनी ताब्यात घेतले आहे. हैदराबादमधील डॉक्टर तरुणीची बलात्कारानंतर हत्या करण्यात आली होती. त्यासंबंधी तेलंगणाचे मुख्यमंत्री के. चंद्रशेखर राव यांच्या निवासस्थानाबाहेर निदर्शने करण्याचा इशारा त्यांनी दिला होता. त्याआधीच त्यांना ताब्यात घेण्यात आले.
हैदराबाद पोलिसांकडून तृप्ती देसाई आणि कार्यकर्त्यांची धरपकड करण्यात आली
हैदराबादमध्ये काही दिवसांपूर्वी देशाला हादरवून सोडणारी घटना घडली. येथील एका डॉक्टर तरुणीवर सामूहिक लैंगिक अत्याचार करुन तिला मारण्यात आले होते. या घटनेचे पडसाद देशभरात उमटले. यातील आरोपींना अटक करण्यात आले आहे. त्या संदर्भात तृप्ती देसाई हैदराबादमध्ये आंदोलनासाठी गेल्या आहेत.