कोलकाता - भाजपचे केंद्रीय मंत्री बाबुल सुप्रियो यांनी ट्विटरवरून पश्चिम बंगालच्या मुख्यमंत्री ममता बॅनर्जी यांच्यावर निशाणा साधला आहे. पश्चिम बंगालमध्ये तृणमूल काँग्रेस २०१९ आली आहे. २०२१ पर्यंत त्यांचा नामोनिशाण मिटेल, असे ट्विट त्यांनी केले आहे.
ममता बॅनर्जी प. बंगाल पोलीस आणि तृणमूलच्या कार्यकर्त्यांचा हिंसाचार पसरविण्यासाठी वापर करत असल्याचा आरोपही त्यांनी वारंवार केला आहे. यापूर्वी, १३ जुलै रोजी भाजप नेते मुकुल रॉय यांनी तृणमूल काँग्रेस, काँग्रेस आणि माकपचे १०७ आमदार भाजपमध्ये प्रवेशकरण्याच्या तयारीत असल्याचे म्हटले होते.
भाजप प. बंगाल व इतर राज्यांमध्ये स्वत:चे सरकार स्थापन करण्याचा कट रचत असल्याचा आरोप तृणमूल काँग्रेस आणि इतर विरोधी पक्ष करत आहेत.