हरियणामध्ये उद्या होणार शपथविधी सोहळा, खट्टर मुख्यमंत्रीपदाची तर दुष्यत चौटाला घेणार उपमुख्यमंत्री पदाची शपथ

मनोहर लाल खट्टर मुख्यमंत्रीपदाची तर जेजेपीचे दुष्यंत चौटाला उपमुख्यमंत्रीपदाची शपथ घेणार आहेत. उद्या दुपारी 2:15 मिनिटांनी शपथविधी सोहळा राजभवनात होणार आहे.

चंदिगढ - हरियाणा विधानसभा निवडणुकीत भाजप आणि काँग्रेस दोन्ही पक्षांना बहुमत न मिळाल्याने राज्यामध्ये त्रिशंकू परस्थिती निर्माण झाली होती. अखेर शुक्रवारी जनता जननायक पक्षाने भाजपला पाठिंबा दिला असून मनोहर लाल खट्टर मुख्यमंत्रीपदाची तर जेजेपीचे दुष्यंत चौटाला उपमुख्यमंत्रीपदाची शपथ घेणार आहेत. उद्या दुपारी 2:15 मिनिटांनी शपथविधी सोहळा राजभवनात होणार आहे.

भाजप गोपाळ कांडांचा पाठिंबा घेणार नसून 10 जेजेपीचे आमदार आणि सात अपक्ष आमदारांच्या पाठिंब्याने सरकार स्थापन करणार असल्याचं मनोहर लाल खट्टर यांनी राज्यपालांची भेट घेतल्यानंतर सांगितले. भाजपला स्व:ताचे 40 उमेदवार, 10 जेजेपी आणि सात अपक्ष, एकूण 57 आमदारांचा पाठिंबा आहे.

९० सदस्यांच्या विधानसभेत भाजपने ४० जागांवर विजय मिळाला आहे. काँग्रेसने ३१ जागा जिंकल्या असून जननायक जनता पार्टीने १० जागा जिंकल्या आहेत. याचबरोबर ७ अपक्ष उमेदवारांनीही विजयाची नोंद केली आहे.

जेजेपी पक्षाची स्थापना दुष्यंत चौटाला यांनी नव्यानेच केली आहे. दुष्यंत चौटाला हे हरियाणाचे माजी मुख्यमंत्री ओम प्रकाश चौटाला यांचे नातू आहेत. तर चौधरी देवी लाल यांचे पुणतू आहेत. चौधरी देवी लाल व्ही पी. सिंग सरकारमध्ये उप-पंतप्रधान होते. इंडियन नॅशनल लोकदल पक्षातून बाहेर पडून त्यांनी जेजेपी पक्षाची स्थापना केली.