महिलेला भिंत ओलांडून सिंहासमोर डान्स करणं पडलं महागात

सध्या एका महिलेचा व्हिडिओ सोशल मिडियावर जोरदार व्हायरल होत आहे.

नवी दिल्ली - सध्या एका महिलेचा व्हिडिओ सोशल मिडियावर जोरदार व्हायरल होत आहे. एक महिला सिंहाच्यासमोर डान्स करत असल्याचे व्हिडिओमध्ये पाहायला मिळत आहे. या महिलेवर कठोर कारवाई करण्यात येणार असून पोलिसांनी तिच्याविरुद्ध अटक वॉरंट काढले आहे.

अभयारण्यातील एका सिंहासमोर जाऊन महिला डान्स करत त्याला चिडवत आहे. ती महिला सिंहाला 'हाय, बेबी आय लव्ह यु' असे म्हणत आहे. सिंह तिच्याकडे टक लावून पाहत आहे. हा व्हिडिओ न्युयॉर्कच्या ब्रोंक्स झू (Bronx Zoo) मधील असल्याची माहिती आहे. संबधीत महिलेच नाव माया आट्री असल्याची माहिती आहे. यापुर्वीदेखील या महिलेने झूमधील जिराफ क्षेत्रात जाऊन धुमाकूळ घातला होता. ही महिला जाणीवपुर्वक प्राण्यांना त्रास देत असून तीला पकडण्यासाठी पोलिसांनी नागरिकांना आवाहन केले आहे.