नवी दिल्ली - भारतातील कोरोना संसर्गाच्या रुग्णांमध्ये दिवसेंदिवस वाढ असून परिस्थिती आणखी गंभीर होत चालली आहे. देशातील कोरोनाबाधितांनी 1 लाखाचा आकडा पार केला आहे. देशातील एकूण कोरोनाग्रस्तांचा आकडा 1 लाख 38 हजार 845 झाला आहे, यात 77 हजार 103 अॅक्टिव्ह केस आहेत. तसेच 57 हजार 720 जण पूर्णत: बरे झाले आहेत. तर 4 हजार 21 जणांचा बळी गेल्याची माहिती आरोग्य मंत्रालयाने दिली आहे.
महाराष्ट्रामध्ये 50 हजार 231 कोरोनाबाधित असून 1 हजार 635 जणांचा मृत्यू झाला आहे. तामिळनाडूमध्ये 16 हजार 227 कोरोनाबाधित तर 111 जणांचा मृत्यूची नोंद झाली आहे. गुजरातमध्ये 14 हजार 56 कोरोनाबाधित असून 858 जणांचा मृत्यू झाला आहे. या पाठोपाठ दिल्लीमध्ये 13 हजार 418 कोरोनाबाधित तर 261 जणांचा मृत्यू झाला आहे.