जयपूर- जागतिक महामारी घोषित करण्यात आलेला कोरोना विषाणूचे संक्रमण जयपूरमध्ये मोठ्या प्रमाणावर होत आहे. जयपूर मधील रामगंजमध्ये कोरोनाबाधितांची संख्या जास्त आहे. आपल्या जीवाची पर्वा न करता आरोग्य कर्मचारी, परिचारिका कोरोनाशी लढत आहेत. मात्र, रामंगजमध्ये काम करणाऱ्या परिचारिका अनिता कुमारी यांना त्यांच्या घरी जाण्यापासून रोखण्याचे प्रकार घडत आहेत. प्रशासन आणि पोलिसांची अनिता कुमारी यांना मदत मिळालेली नाही.
राजस्थानात कोरोनाशी लढणारी परिचारिका सहन करतेय घराजवळच्या लोकांचा रोष
अनीता कुमारी गेल्या तीन वर्षांपासून ब्रह्मपुरी रोड येथील कृष्णानगरमध्ये वास्तव्यास आहेत. त्यांची नेमणूक रामगंजमध्ये कोरोनाबाधितांची संख्या जास्त असल्याने करण्यात आली आहे. याची माहिती मिळाल्यानंतर त्यांच्या घराजवळचे लोक त्यांना त्रास देत आहेत.