राम मंदिर बांधण्यासाठी खांबांची चाचणी पूर्ण; अहवाल येताच 1200 खांबांसाठी खोदकाम लवकरच सुरू

राम नगरी अयोध्या येथील रामजन्मभूमी मंदिर बांधकामाच्या ठिकाणी, आयआयटी चेन्नईच्या अभियंत्यांनी 12 खांबांवर 700 टन वजन टाकून त्याच्या ताकदीची तपासणी केली आहे. आता याविषयीचा अहवाल आल्यानंतर मंदिर बांधकामासाठी एकूण 1200 खांबांसाठी खोदण्याचे काम लवकरच सुरू होईल.

अयोध्या - भगवान श्री राम यांचे पवित्र जन्मस्थान असलेल्या अयोध्येमध्ये भव्य राम मंदिर बांधण्यासाठी पाया खोदण्याचे काम लवकरच सुरू होण्याची शक्यता आहे. आयआयटी चेन्नईच्या अभियंत्यांनी राम मंदिर बांधण्यासाठी पाया तयार करण्यासाठी 12 चाचणी-खांबांची तपासणी पूर्ण केली आहे. आता उर्वरित 1200 खांबांसाठी खोदण्याचे व पाया घालण्याचे काम लवकरच सुरू होऊ शकेल. अभियंत्यांच्या टीमने या खांबांवर 700 टन वजन ठेवून त्यांच्या क्षमतेची चाचणी केली आहे.

राम मंदिर बांधण्यासाठी खांबांची चाचणी पूर्ण

राम मंदिर बांधण्यासाठी खांबांची चाचणी पूर्ण

आयआयटी चेन्नई आणि लार्सन अँड टुब्रोच्या अभियंत्यांनी घेतल्या चाचण्या

एका महिन्यापूर्वी राम जन्मभूमी मंदिर बांधकामाच्या ठिकाणी एकूण 12 खांबांसाठी खोदकाम करून त्यात बसवलेल्या खांबांची चाचणी करण्यात आली. या खांबांच्या तपासणीचे काम आयआयटी चेन्नईचे अभियंते आणि मंदिर बांधकामासाठी अधिकृत नियुक्ती केलेल्या लार्सन अँड टुब्रोच्या युनिटने केली. पायासाठी घातलेले खांब 1 मीटर व्यासाच्या आत 33 मीटर खोलीपर्यंत खोदले गेले आहेत. भूकंपाच्या धक्क्याने भगवान रामाच्या मंदिरावर परिणाम होऊ नये आणि पूर आल्यासही या ऐतिहासिक मंदिरास कोणताही धोका होऊ नये, या दृष्टीने पाया जमिनीपासून शंभर फुटांपेक्षा जास्त खोलीवर ठेवला जात आहे. तसेच, या खांबांवर 700 टनांचे वजन टाकून त्यांच्या क्षमतेचे मूल्यांकनही आयआयटी चेन्नईच्या तज्ज्ञांनी केले आहे.

राम मंदिर बांधण्यासाठी खांबांची चाचणी पूर्ण

राम मंदिर बांधण्यासाठी खांबांची चाचणी पूर्ण

अभियंत्यांचा अहवाल आल्यानंतर 1200 खांबांसाठी खोदकाम सुरू होईल

भगवान श्री राम यांचे पवित्र जन्मस्थान अयोध्येत भव्य राम मंदिर बांधण्यासाठी पाया खोदण्याचे काम लवकरच सुरू होणार आहे. आता उर्वरित 1200 खांब खोदण्याचे व पाया घालण्याचे काम लवकरच सुरू होऊ शकेल. अभियंत्यांच्या टीमने या खांबांवर 700 टन वजन ठेवून त्यांच्या क्षमतेची चाचणी केली आहे. याचा अहवाल आल्यानंतर पुढील काम सुरू होईल.

राम मंदिर बांधण्यासाठी खांबांची चाचणी पूर्ण

हजारो वर्षांपासून नैसर्गिक आपत्तींचा सामना करूनही भगवान राम यांचे मंदिर उभे राहील

ट्रस्टने भगवान श्री राम मंदिर अयोध्येत बांधले जावे, यासाठी जगातील ऐतिहासिक मंदिर बनविण्यासाठी एक विशेष कृती योजना तयार केली आहे. या मंदिराच्या रचनेपासून ते पाया घालण्यापर्यंत सर्व बाबींमध्ये हे मंदिर शेकडो नव्हे तर, हजारो वर्षे हवामान आणि नैसर्गिक आपत्तींचा सामना करू शकेल, अशा मजबुतीकडे विशेष लक्ष दिले गेले आहे. तसेच, विशेष सौंदर्यासह बांधण्यात येत असलेले हे राम मंदिर श्रद्धा आणि पर्यटनाचे केंद्र बनेल, असे ट्रस्टने म्हटले आहे.