पुलवामामध्ये चकमक.. सुरक्षा दलाकडून एका दहशतवाद्याला कंठस्नान

जम्मू काश्मीरमधील पुलवामा जिल्ह्यातील अवंतीपोरा येथे आज( बुधवारी) एका दहशतवाद्याचा खात्मा करण्यात सुरक्षा दलाला यश आले आहे.

श्रीनगर - जम्मू काश्मीरमधील पुलवामा जिल्ह्यातील अवंतीपोरा येथे आज( बुधवारी) एका दहशतवाद्याचा खात्मा करण्यात सुरक्षा दलाला यश आले आहे. काल झालेल्या चकमकीनंतर परिसरातील शोध मोहिम थांबवण्यात आली होती, मात्र, आज पुन्हा सुरू करण्यात आली आहे, अशी माहिती काश्मीर विभागीय पोलिसांनी दिली आहे.

काश्मीर पोलीस आणि लष्करी दलांनी या ऑपरेशनध्ये सहभाग घेतला आहे. काल झालेल्या चकमकीत दोन दहशतवाद्यांचा खात्मा करण्यात भारतीय लष्कराला यश आले होते. दरम्यान, लष्कराचा एक जवान आणि जम्मू-काश्मीर पोलीस दलाचा एक पोलीस अधिकारी हुतात्मा झाले होते.