काश्मीरमधील दंगेरबाल जिल्ह्यात सुरक्षा दलांबरोबर चकमकीत दहशतवादी ठार

जम्मू काश्मीरमधील गंदेरबाल जिल्ह्यातील गुंड भागामध्ये आज (मंगळवार) सकाळपासून दहशतवादी आणि सुरक्षा दलांमध्ये चकमक सुरू होती. यामध्ये एका दहशतवादी ठार झाला आहे.

श्रीनगर - जम्मू काश्मीरमधील गंदेरबाल जिल्ह्यातील गुंड भागामध्ये आज (मंगळवार) सकाळपासून दहशतवादी आणि सुरक्षा दलांमध्ये चकमक सुरू होती. यामध्ये एका दहशतवादी ठार झाला आहे. सुरक्षा दलाकडून पुढील कारवाई सुरू आहे.

याआधी उत्तर काश्मीरच्या बांदीपुरा जिल्ह्यात लष्करी कारवाईत एका दहशतवाद्याचा खात्मा करण्यात आला होता. श्रीनगरपासून साधारणपणे ५५ किलोमीटर उत्तरेला असलेल्या लौदारा गावात दहशतवादी लपले असल्याची माहिती लष्कराला मिळाली होती. त्यानंतर लष्कराने शोधमोहीम हाती घेतली होती. त्यानंतर झालेल्या चकमकीत दहशतवाद्याचा खात्मा करण्यात आला.