रांची (झारखंड) - मनात जिद्द असेल तर एव्हरेस्टही पार होतो. मेलेल्या मनाला साधा जीना चढता येत नाही. जिंकण्याची इच्छा मनात बाळगली आणि जिद्दीने कामाला लागले की प्रत्येक कठीण गोष्ट सोपी होते. रांचीच्या लक्ष्मी शर्मा यांनी नॅशनल गेम्समध्ये सलग चार वर्षे सुवर्ण पदक जिंकून हे सिद्ध करून दाखवल आहे.
जिद्दीच्या जोरावर लक्ष्मी ठरली 'नॅशनल चॅम्पियन'
वयाच्या 36 व्या वर्षी सामान्य महिला कौटुंबिक जबाबदाऱ्यांमध्ये व्यग्र असतात. मात्र, या वयातही लक्ष्मी यांनी काही नवीन करण्याचे ठरवले. चार वर्षांपूर्वी त्यांना सायटिका या आजाराने ग्रासले होते. यानंतर त्यांच्या आयुष्याने नवे वळण घेतले. मुलाचा सल्ला आणि झारखंडच्या स्टार पॉवर लिफ्टर सुजाता भगत यांच्या सहकार्याने लक्ष्मीच्या जिद्दीला नवे पंख लागले.