नवी दिल्ली - हंगामी काँग्रेस अध्यक्षा सोनिया गांधी यांनी रिपब्लिक टीव्हीचे मुख्य संपादक अर्णब गोस्वामी यांच्यावर कथित व्हॉट्सअ‍ॅप संभाषणाचा हवाला देत टीकास्त्र सोडले. जे इतरांना देशभक्ती आणि राष्ट्रवादाचे दाखले देतात. त्यांच पितळ आता उघडं पडलयं, असे त्या म्हणाल्या.
राष्ट्रीय सुरक्षेशी तडजोड झाल्यासंदर्भातील त्रासदायक बातमी वाचली. इतरांना देशभक्ती आणि राष्ट्रवादाचे दाखले देणारे लोक पूर्णपणे उघडे पडले, अशी टीका त्यांनी केली. आज काँग्रेसची सीडब्ल्यूसीची बैठक पार पडली. या बैठकीत त्यांनी शेतकरी आंदोलनावर चर्चा केली. सरकारने शेतकऱ्यांबाबत असंवेदनशीलता व अहंकार दाखवल्याचा आरोपही त्यांनी केला.
संसदेचे अधिवेशन एका आठवड्यात सुरू होणार आहे. हे अर्थसंकल्पीय अधिवेशन आहे. जनहिताचे अनेक विषय आहेत. ज्यावर पूर्ण चर्चा होणे आवश्यक आहे. शेतकरी आंदोलन सुरूच असून सरकार फक्त चर्चेच्या फेऱ्याच घेत आहे, असेही त्या म्हणाल्या.