हाथरस सामूहिक अत्याचार प्रकरणी एसआयटीची स्थापना; योगी आदित्यनाथांची घोषणा

या तीन सदस्यीय समितीमध्ये गृह विभागाचे सचिव भगवान स्वरुप, पोलीस उपमहानिरिक्षक चंद्र प्रकाश आणि आग्र्याच्या पीएसी सेनानायक पूनम यांचा समावेश आहे. ही समिती आपला अहवात सात दिवसांमध्ये सादर करेल.

लखनऊ :हाथरस सामूहिक अत्याचार प्रकरणी एसआयटीची समिती स्थापन केल्याची घोषणा उत्तर प्रदेशचे मुख्यमंत्री योगी आदित्यनाथ यांनी केली. या तीन सदस्यीय समितीमध्ये गृह विभागाचे सचिव भगवान स्वरुप, पोलीस उपमहानिरिक्षक चंद्र प्रकाश आणि आग्र्याच्या पीएसी सेनानायक पूनम यांचा समावेश आहे. ही समिती आपला अहवात सात दिवसांमध्ये सादर करेल.

दरम्यान, याप्रकरणी पंतप्रधान नरेंद्र मोदी यांनी योगी आदित्यनाथ यांच्याशी फोनवर चर्चा केली. तसेच, या प्रकरणातील आरोपींवर कडक कारवाई करण्याचे निर्देश दिले आहेत.

यासोबतच, हा खटला जलदगती न्यायालयामध्ये चालवण्याचे निर्देश देण्यात आले आहेत, अशी माहिती मुख्यमंत्र्यांनी ट्विट करत दिली.

हेही वाचा :मरणानंतरही 'तिची' फरपट; वडिलांना घरात बंद करत पोलिसांनी रात्रीच केले घाई-घाईत अंत्यसंस्कार