नवी दिल्ली - राष्ट्रवादी काँग्रेसचे अध्यक्ष शरद पवार आणि काँग्रेस अध्यक्षा सोनिया गांधी यांच्मादरम्यान सुरु असलेली बैठक संपन्न झाली आहे. महाराष्ट्रातील राजकारणासंबंधी पुढील वाटचाल ठरवण्याबाबत यामध्ये चर्चा झाली. आधी ठरल्याप्रमाणे ही बैठक काल (रविवार) होणार होती. मात्र, ऐनवेळी या बैठकीची वेळ पुढे ढकलण्यात आली. त्यानुसार आता आज ही बैठक पार पडली. साधारणपणे ५० मिनिटे ही बैठक सुरु होती.
राष्ट्रपती राजवटीनंतर सेना-भाजपची युती संपुष्टात आली. त्यानंतर शिवसेना, राष्ट्रवादी काँग्रेस आणि काँग्रेस अशी महाशिवआघाडीची सत्ता स्थापन करण्यासाठी पवार आणि गांधी यांच्यात चर्चा होण्याची शक्यता आहे. त्यांच्यामध्ये चर्चा झाल्यानंतर मंगळवारी महाशिवआघाडीबाबात निर्णय होण्याची शक्यता आहे.