नवी दिल्ली -जम्मू काश्मिरात सुरक्षा दलांनी लॉकडाऊन काळात तब्बल 68 दहशतवाद्यांचा खात्मा केला आहे. तर जूनपर्यंत 100 दहशतवादी ठार केले आहेत. यामध्ये काही परदेशी दहशतवाद्यांचाही समावेश आहे. 1 एप्रिल ते 10 जून या काळात झालेल्या विविध चकमकीमध्ये दहशतवाद्यांना ठार मारण्यात आले. इतर सर्वजण कोरोनाचा सामना करत असताना सुरक्षा दले काश्मीरात दहशतवाद्यांचा बिमोड करण्यात गुंतले होते.
सुरक्षा दलांनी जमा केलेल्या आकडेवारीनुसार हिजबुल मुजाहिदीनने यावर्षी सर्वात जास्त हल्ले करण्याचा प्रयत्न केला. या संघटनेचे 35 दहशतवादी सुरक्षादलांनी ठार मारले. 10 जूनपर्यंत ठार केलेल्या 16 दहशतवाद्यांची अजून ओळखही पटली नाही. यामध्ये 10 परदेशी दहशतवाद्यांचा समावेश आहे.