तिरुवअनंतपुरम - केरळचे सहकार आणि पर्यटन मंत्री एन.सुंदरन यांनी शबरीमाला मंदिर भाविकांसाठी उघडणार नसल्याचे घोषित केले असून यंदा मंदिर समितीचा उत्सव देखील रद्द होणार असल्याचे सांगितले. कोरोनाच्या पार्श्वभूमीवर संबंधित निर्णय घेण्यात आल्याचे मंदिर समितीने स्पष्ट केले. सद्यपरिस्थिती लक्षात घेता संबंधित निर्णय घेण्यात आल्याचे मंदिर मंत्रीमहोदयांनी सांगितले. तसेच याबाबत मंदिराच्या मुख्य पंडितांसोबत बैठक झाल्याचे ते म्हणाले.
शबरीमाला मंदिर भाविकांसाठी 'बंद'च; केरळ सरकारचा निर्णय - Sabrimala updates
शबरीमाला मंदिर १४ जूनला होणाऱ्या मासिक पूजेच्या वेळी भाविकांसाठी बंद राहणार असल्याची माहिती मंदिर समिती ट्रस्टचे विश्वस्त तसेच केरळचे सहकार आणि पणन मंत्री एन.सुरेंद्रन यांनी दिली. तसेच यंदाची यात्रा देखील रद्द झाल्याचे त्यांनी सांगितले. त्रावणकोर देवस्थान बोर्डाचे अध्यक्ष एन वसू यांनी काल शबरीमाला देवस्थानचा उत्सव १९ जूनपासून सुरू होणार असल्याचे सांगितले होते. यानंतर संबंधित निर्णय घेण्यात आला आहे.
शबरीमाला मंदिर मासिक पूजेच्या वेळी भाविकांसाठी बंद राहणार
त्रावणकोर देवस्थान बोर्ड आणि शबरीमाला मंदिर समिती यांनी एकत्र येऊन मंदिर दर्शनासाठी बंद ठेवण्याचा आणि मासिक पुजेसह यंदाचा उत्सव रद्द करण्याचा निर्णय घेतला. शबरीमाला मंदिर मासिक पुजेसाठी १४ जूनला उघडते. यंदा महामारीच्या पार्श्वभूमीवर हे शक्य नाहीय. तसेच १९ जूनला होणाऱ्या पूर्वनियोजित यात्रेचा देखील पूनर्विचार करण्यात आला आहे. याबाबत मंदिरांच्या पंडितांशी सविस्तर चर्चा करण्यात आली. त्यानंतरच मंदिर बंद ठेवण्याचा निर्यण घेतला आहे, असे सुंदरन यांनी सांगितले.
यंदाच्या पूर्वनियोजित वेळापत्रकानुसार १९ जूनला मंदिर उत्सव सुरू होणार होता. तसेच पुढील दिवशी पंपा नदीच्या किनारी आरत महोत्सवाची सांगता होते. मात्र यंदा कोरोनामुळे मंदिर बंद ठेवण्यासह उत्सव रद्द करण्यात आल्याची माहिती मंत्री सुंदरन यांनी दिली.