रिझर्व बँकेचे गव्हर्नर शक्तिकांत दास कोरोना पॉझिटिव्ह

रिझर्व्ह बँकेचे गव्हर्नर शक्तिकांत दास यांना कोरोनाची लागण झाली आहे. कोरोनाची टेस्ट पॉझिटिव्ह आली असल्याची माहिती स्वत: शक्तिकांत दास यांनी रविवारी दिली.

नवी दिल्ली - रिझर्व्ह बँकेचे गव्हर्नर शक्तिकांत दास यांना कोरोनाची लागण झाली आहे. कोरोनाची टेस्ट पॉझिटिव्ह आली असल्याची माहिती स्वत: शक्तिकांत दास यांनी रविवारी दिली. सध्या ते घरातच विलगीकरणात राहून काम करत आहेत. तसेच आरबीआयमधील काम सामान्य मार्गाने सुरू राहील, असेही त्यांनी सांगितले.

शक्तिकांत दास यांना कोरोनाची लागण झाल्याची माहिती त्यांनी ट्विट करून दिली. ट्विट मध्ये ते म्हणाले की, "मला कोरोनाची लागण झाली आहे. एसीम्प्टोमॅटिक आहे. मला पूर्णपणे निरोगी वाटत आहे. माझ्या संपर्कात आलेल्यांना काळजी घ्यावी. मी घरातच क्वारंटाइन होऊन काम करत राहीन. रिझर्व बँकेचे काम पहिल्यासारखे सामान्य राहिल. मी व्हिडिओ कॉन्फरन्सिंग आणि टेलिफोनद्वारे माझ्या सर्व उप गव्हर्नर आणि इतर अधिकाऱ्यांशी जोडलेला राहील.''

सध्या बँकेत चार उप गव्हर्नर कार्यरत आहेत. त्यामध्ये बीपी कानूनगो, एम के जैन, एमडी पात्रा आणि एम राजेश्वर राव यांचा समावेश आहे. त्यांच्या उपस्थितीत रिझर्व बँकेचे काम सामान्य मार्गाने सुरू राहणार आहे.

देशात सध्या कोरोनाबाधितांचे प्रमाण कमी होऊ लागला आहे. प्रतिदिवशी ९० हजार बाधित होणाऱ्यांची आकडेवारी आता 50 हजारापर्यंत घसरली आहे. देशात सध्या एकूण कोरोना बाधितांचा आकडा 78लाख 64 हजार 811 वर पोहोचला आहे. तर मृतांचा आकडा 1 लाख 18 हजार 534 वर पोहोचला आहे.