नवी दिल्ली - राजधानीत प्रदूषणाची पातळी वाढली आहे. आता यातच पावसाने जोरदार हजेरी लावली. शनिवारी रात्री फटाके फोडल्यामुळे प्रदूषणात वाढ झाली होती. वायू गुणवत्ता निर्देशांक 450 वर पोहचला होता. सर्वोच्च न्यायालयाच्या आदेशानंतरही दिल्लीत आतषबाजी झाली. त्यामुळे अगोदरच खराब असलेल्या हवेवर वाईट परिणाम झाला.
कडाक्याच्या थंडीत दिल्लीत पाऊस
दिल्लीसह हिमाचल प्रदेश, उत्तर प्रदेश, तामिळनाडू आणि इतर काही राज्यांतही पाऊस पडण्याची शक्यता भारतीय हवामान खात्यानं वर्तवली होती. अनेक भागांमध्ये फटाके फोडले गेल्याने प्रदूषणाचा धोका आणखी वाढला असल्याची माहिती देण्यात आली आहे.