जयपूर - जगभारात कोरोना विषाणूमुळे पसरलेल्या महामारीने थैमान घातले आहे. याचे वाढते संक्रमण रोखण्यासाठी देशभरात लॉकडाउन सुरू आहे. सर्व सरकारी आणि खासगी कार्यालये आणि शैक्षणिक संस्था बंद आहेत. प्रमुख परीक्षाही पुढे ढकलण्यात आल्या आहेत. मात्र, शाळकरी मुलांचा अभ्यास अनेक शाळांनी चालू ठेवला आहे. अनेक शाळा विद्यार्थ्यांना ऑनलाईन शिक्षण देत आहेत.
लॉकडाऊन : जयपूरमध्ये कोरोनाच्या भीतीवर मात, ऑनलाईन शाळेद्वारे विद्यार्थ्यांना घरच्या घरी शिक्षण
जयपूरमधील कलर्स इंटरनॅशनल स्कूल, माहेश्वरी पब्लिक स्कूल आणि एशियन वर्ल्ड स्कूल यांच्यासह अनेक खासगी शाळांनी शाळा बंद असताना ऑनलाईन माध्यमातून विद्यार्थ्यांना घरच्या घरी राहून शिकवणे सुरू ठेवले आहे. या शाळा इंटरनेट, व्हिडियो कॉलिंग, व्हॉट्स अॅप ग्रुप यांचा वापर करत आहेत. यात शाळेच्या वेळेत विविध विषय शिकवले जातात आणि घरचा अभ्यासही दिला जातो.