नवी दिल्ली - राजधानी दिल्लीमधील हवेचा स्तर पुन्हा एकदा खालावला आहे. दिल्लीच्या अनेक भागांमध्ये हवेची गुणवत्ता अतिशय वाईट असून आज सकाळी दिल्लीच्या हवा गुणवत्तेचा निर्देशांक (एअर क्वालिटी इंडेक्स) 443 नोंद झाला आहे. हा अत्यंत धोकादायक असून यामुळे नागरिकांच्या डोळ्यात आग होणे, डोकेदुखी आणि इतर समस्या सुरू झाल्या आहेत.
दिल्लीत हवा गुणवत्तेचा निर्देशांक 443 वर
शनिवारी सकाळी 10 वाजता दिल्लीत हवेच्या गुणवत्तेचा निर्देशांक 443 होता, तर दिल्लीच्या पुसा विभागातील निर्देशांक 432 नोंदविण्यात आला. तसेच लोधी रोडवर 362, दिल्ली विद्यापीठात 480, तर इंदिरा गांधी आंतरराष्ट्रीय विमानतळावर 422 नोंदविण्यात आला. वायू प्रदूषणामुळे ज्या लोकांना श्वसनासंबंधित समस्या आहेत. त्यांनी घरातून बाहेर पडू नये, अशा सूचना देण्यात आल्या आहेत.