चंदीगढ - पंजाबच्या पटियाला जिल्ह्यामध्ये निहंगांच्या हल्ल्यात काही पोलीस जखमी झाले. यामध्ये एका पोलिसाचा हातही कापला गेला आहे. बाहेर फिरण्यास मज्जाव केल्याच्या रागातून या व्यक्तींनी पोलिसांवर हल्ला केल्याचे समजत आहे.
लॉकडाऊन : बाहेर फिरण्यास मज्जाव केल्यामुळे पोलिसाचा तलवारीने कापला हात; अन्य दोन जखमी..
मिळालेल्या माहितीनुसार, निहंगा जमातीचे चार ते पाच लोक गाडीने प्रवास करत होते. पहाटे सहाच्या सुमारास मंडी बोर्ड पोलिसांनी त्यांना अडवून, बाहेर फिरण्यासाठीच्या पासबाबत विचारणा केली. त्यांना थांबण्यास सांगितले असता, त्यांनी बॅरिकेट्सवर सरळ गाडी धडकवली, आणि त्यानंतर त्यांनी केलेल्या हल्ल्यामध्ये एका पोलिसाचा हातही कापला गेला. पटियालाचे वरिष्ठ पोलीस अधीक्षक मनदीप सिंग सिंधू यांनी याबाबत माहिती दिली.