तेलंगणा : टीआरएस कार्यकर्त्यांची गुंडगिरी, पोलिसांना काठ्यांनी मारहाण

मोठ्या संख्येने टीआरएसच्या कार्यकर्त्यांनी पोलीस आणि वन विभागाच्या कर्मचाऱ्यांना घेराव घालत त्यांच्यावर हल्ला चढवला, असे या व्हिडिओत दिसत आहे. ट्रॅक्टरवर एक महिला पोलीस असून आक्रमक कार्यकर्त्यांनी तिलाही जबर मारहाण केल्याचे यात दिसत आहे.

हैदराबाद - तेलंगणातील कोमारा भीम असीफाबाद जिल्ह्यात टीआरएसच्या (तेलंगाना राष्ट्रीय समिती) कार्यकर्त्यांची गुंडगिरी पाहायला मिळाली. त्यांनी पोलीस आणि वन विभागाच्या कर्मचाऱ्यांना काठ्यांनी जोरदार मारहाण केली. या हल्ल्यात एक महिला पोलीस जखमी झाली आहे. या मारहाणीच्या घटनेचा व्हिडिओ समोर आला आहे.

मोठ्या संख्येने टीआरएसच्या कार्यकर्त्यांनी पोलीस आणि वन विभागाच्या कर्मचाऱ्यांना घेराव घालत त्यांच्यावर हल्ला चढवला, असे या व्हिडिओत दिसत आहे. ट्रॅक्टरवर एक महिला पोलीस असून आक्रमक कार्यकर्त्यांनी तिलाही जबर मारहाण केल्याचे यात दिसत आहे. तेलंगणातील कोमारा भीम असीफाबाद जिल्ह्यात सिरपूर कागजनगर ब्लॉक येथे एका वृक्षारोपण कार्यक्रमादरम्यान ही घटना घडली. घटनेची सूचना मिळताच कोनेरू कृष्णा यांनी जिल्हा परिषद अध्यक्ष पदाचा राजीनामा दिला. ते या घटनेनंतर जिल्हाधिकाऱयांकडे पोहोचले आणि त्यांनी राजीनामा सादर केला. त्यांचे भाऊ आमदार कोवेरू कनप्पा यांनी ही माहिती दिली.