पंतप्रधान मोदींकडून लोहपुरुषाला अभिवादन, स्टॅच्यू ऑफ युनिटीला वाहिली पुष्पांजली

पंतप्रधान नरेंद्र मोदींनी लोहपुरुष सरदार वल्लभभाई पटेलांच्या १४४ व्या जयंतीनिमित्त 'स्टॅच्यू ऑफ युनिटी'ला अभिवादन केले. त्यांनी वल्लभभाईंच्या पुतळ्याला पुष्पांजली वाहिली.

अहमदाबाद - पंतप्रधान नरेंद्र मोदींनी लोहपुरुष सरदार वल्लभभाई पटेलांच्या १४४ व्या जयंतीनिमित्त 'स्टॅच्यू ऑफ युनिटी'ला अभिवादन केले. त्यांनी वल्लभभाईंच्या पुतळ्याला पुष्पांजली वाहिली. यानंतर उपस्थितांनी एकतेची शपथ घेतली.

मोदी आज सरदार पटेलांच्या जयंतीनिमित्त गुजरातला गेले आहेत. त्यांनी त्यांची आई हीराबेन यांचीही भेट घेतली. त्यांनी आईशी संवाद साधला. तसेच आईचा आशीर्वादही घेतला.

तसेच, पंतप्रधान मोदी आज औद्योगिक कलाविज्ञान प्रदर्शन स्थळालाही भेट देतील. यानंतर केवडियामध्ये सिव्हिल सर्व्हिस प्रोबेशनर्ससह संवाद साधतील.