मथुरापूर (पश्चिम बंगाल) - अमित शाह यांच्या रॅलीमध्ये हिंसाचार झाला, त्यावेळी तृणमुलच्या गुंडांनी ईश्वरचंद्र विद्यासागर यांचा पुतळा तोडला, असा आरोप पंतप्रधान नरेंद्र मोदी यांनी केला.
तृणमुलच्या कार्यकर्त्यांनी हिंसाचार घडवला, ईश्वरचंद्र विद्यासागर यांचा पुतळा तोडला. तिथे सीसीटीव्ही कॅमेरेही लावण्यात आले होते. ज्याप्रमाणे शारदा चिटफंड प्रकरणातील पुरावे नष्ट करण्यात आले त्याचप्रणाणे कोलकातामधील घटनांचे देखिल पुरावे बंगालच्या सरकारने नष्ट केले आहेत. या प्रकरणी कडक कारवाई करण्याची मागणी मोदी यांनी केली.
तृणमुलच्या गुंडांनी ईश्वरचंद्र विद्यासागर यांचा पुतळा तोडला - पंतप्रधान मोदी बंगालमध्ये दुर्गा पूजा- सरस्वती पूजा करणे अडचणीचे ठरत आहे. जय श्री राम म्हणणे गुन्हा ठरत आहे. मागील काही वर्षापासून बंगालच्या नागरिकांना याबाबत अडचणी येत आहेत. अशा बाबी राष्ट्रीय स्तरावर आणणारा व बंगालच्या लोकांचा आवाज बनणारा भाजप हा एकच पक्ष आहे.
ममता दीदी यांनी आज सकाळी मला कारागृहात घालण्याची धमकी दिली. काल त्यांनी भाजपचे कार्यालय तसेच भाजपच्या कार्यकर्यांची घरे ताब्यात घेणार असल्याची धमकी दिली होती, असेही मोदी म्हणाले.
