जयपूर - कोरोनाचा संसर्ग रोखण्यासाठी देशभरात लॉकडाऊन करण्यात आले. सर्व व्यवहार बंद ठेवण्यात आले आहे. याचा फटका राजस्थानमधील अनेक स्थलांतरित लोकांनाही बसला आहे. जोधपूरमध्ये राहत असलेल्या ४ हजार पाकिस्तानी स्थलांतरित नागरिकांवर उपासमारीची वेळ आली होती. मात्र, शासनाने त्यांनाही मदत करण्याचा निर्णय घेतला आहे. जिल्हाधिकारी प्रकाश राजपुरोहित यांनी याबाबत प्रशासनाला सुचना दिल्या आहेत.
पाक स्थलांतरितांनाही प्रशासनाकडून मिळणार मदत
जोधपूरच्या आसपास राहणाऱया सर्व लोकांना जेवण आणि जीवनावश्यक वस्तूंचे वाटप करण्यात येणार आहे. यामध्ये पाक स्थलांतरितांचाही समावेश करण्यात आला आहे. त्यांनाही इतरांप्रमाणे जेवण आणि रेशन उपलब्ध करुन दिले जाईल, अशी माहिती जिल्हाधिकाऱयांनी दिली.