लखनौ- उत्तरप्रदेशातील काही जिल्ह्यांमध्ये गुन्हेगारीचं प्रमाण जास्त आहे. या जिल्ह्यांमध्ये खून, मारामाऱ्या, अत्याचार, खंडणीसारखे गुन्हे सर्सास घडतात. इटाह जिल्हा त्यातील एक. या जिल्ह्यामध्येही गुन्हेगारी फोफावली आहे. मात्र, या जिल्ह्यातील एका पोलीस ठाण्याच्या क्षेत्रातील गुन्हेगारी संपली की काय? अशी माहिती समोर आली आहे. इटाह रेल्वे स्टेशनच्या बाहेरील जीआरपी पोलीस ठाण्यात मागील १९ वर्षांत फक्त २ गुन्हे दाखल झाले आहेत.
जीआरपी पोलीस ठाण्यात १९ वर्षांत फक्त २ गुन्हे दाखल
शहरातील बाकी पोलीस ठाण्यात गुन्ह्यांच्या फायली धूळ खात पडलेल्या आहेत. मात्र, जीआरपी पोलीस ठाण्याचं एफआयआर दाखल करण्याची नोंदवही रिकामीच राहीलयं. जीआरची पोलीस ठाणे २००१ साली सुरू करण्यात आलयं. तेव्हा पासून एक खुनाचा आणि दुसरा मारहाणीचा असे दोनच गुन्हे दाखल झाले आहेत. तर यातील पहिला गुन्हा तब्बल १६ वर्षांनंतर नोंदवण्यात आला.