नवी दिल्ली - नोबेल पारितोषिक विजेते अर्थशास्त्रज्ञ अभिजित बॅनर्जी यांनी आज पंतप्रधान नरेंद्र मोदी यांची त्यांच्या निवासस्थानी भेट घेतली. यानंतर पंतप्रधानांची भेट हा एक अद्वितीय अनुभव होता, असे बॅनर्जींनी सांगितले. तसेच, एका प्रश्नाला उत्तर देताना 'मोदींनी तुमच्यावर विनोद करत संभाषणाला सुरुवात केली. प्रसारमाध्यमांनो, तुम्ही काय करत आहात, ते पंतप्रधान मोदींना समजतंय,' असे म्हणत प्रसारमाध्यमांना कोपरखळी मारली.
पंतप्रधानांच्या भेटीविषयी अभिजित बॅनर्जी माध्यमांशी बोलत होते. 'मला भेटल्यांतर पंतप्रधानांनी सुरुवातीलाच प्रसारमाध्यमांवर जोरदार विनोद केला. मोदी-विरोधी प्रचार-प्रसार करून ते माझी प्रतिमा मलीन करण्याच्या आणि मला अडकवण्याच्या प्रयत्नात आहेत, असे मोदींनी सांगितले. त्या वेळी पंतप्रधान मोदी टीव्ही पाहात होते. ते तुम्हा सर्वांना पाहात होते. त्यांना माहीत आहे, तुम्ही काय करण्याचा प्रयत्न करत आहात,' असे बॅनर्जी म्हणाले.