पर्यावरण रक्षणासाठी आंध्र प्रदेशातील इंद्रकीलाद्री मंदिरात प्लास्टिक बंदी

कृष्णा नदी काठाजवळच्या एका डोंगरावर प्रसिद्ध इंद्रकीलाद्री मंदिर आहे. मंदिर प्रशासनाने भाविकांना प्लास्टिक पिशव्या परिसरात न आणण्याचे आवाहन केले आहे. जो व्यक्ती मंदीर प्रशासनाचा आदेश पाळणार नाही, त्याला दंड करण्याची व्यवस्थाही करण्यात आली आहे.

विजयवाडा - आंध्र प्रदेशातील विजयवाडा शहराला 'सिंगल युज प्लास्टिक' मुक्त करण्यासाठी दुर्गा इंद्रकीलाद्री मंदिराने महत्त्वाचे पाऊल उचलले आहे. मंदिर परिसरात प्लास्टिक पिशव्या वापरण्यास आणि आणण्यास पूर्णपणे बंदी घालण्यात आली आहे.

कृष्णा नदी काठाजवळच्या एका डोंगरावर प्रसिद्ध इंद्रकीलाद्री मंदिर आहे. मंदिर प्रशासनाने भाविकांना प्लास्टिक पिशव्या परिसरात न आणण्याचे आवाहन केले आहे. जो व्यक्ती मंदिर प्रशासनाचा आदेश पाळणार नाही, त्याला दंड करण्याची व्यवस्थाही करण्यात आली आहे. पर्यावरण अधिकारी, सरकारी अधिकारी आणि बिगर सरकारी संस्था या धार्मिक स्थळाला प्लास्टिक मुक्त बनवण्यासाठी प्रयत्न करत आहेत.

मंदिर अधिकारी सुरेश बाबू म्हणाले, की आम्ही मंदिर परिसरात प्लास्टिक पिशव्या आणण्यास बंदी घातली आहे. पोस्टर, माध्यमांतून आणि मंदिर परिसरात घोषणा देऊन आम्ही यासाठी जनजागृती करत आहोत. इंद्रकीलाद्री डोंगरावर प्लास्टिक पिशव्या आणू नका, असे आवाहन आम्ही भाविकांना करत आहोत. या नियमांचे जर कोणी उल्लंघन केले तर आमचे पथक त्या व्यक्तीवर योग्य ती कारवाई करते. प्रसाद वाटण्यासाठी आम्ही जैवविघटन होऊ शकणाऱ्या पिशव्या वापरत आहोत.

कनक दुर्गा मंदिर शहरातील गजबजलेल्या ठिकाणी आहे. येथे दररोज हजारो भाविक येतात. सण उत्सव आणि सुट्ट्यांच्या वेळी इथे मोठ्या प्रमाणात गर्दी होते. त्याकाळात प्लास्टिक जास्त प्रमाणात वापरात येते. भाविक मोठ्या प्रमाणात प्लास्टिकच्या पिशव्यांमध्ये पूजेच सामान आणणात. मात्र, आता मंदिर परिसरात फक्त कापडी पिशव्यांनाच परवानगीच दिली आहे. सुरेश बाबू यांच्या आधी कोटेश्वरम्मा जेव्हा या मंदिराच्या कार्यकारी अधिकारी होत्या. तेव्हा त्यांनी देवीला अर्पण करण्यात येणाऱ्या कपड्यांपासून पिशव्या बनवण्याचे आदेश दिले होते. मात्र, त्यामुळे मंदिराला मिळणाऱ्या निधीवर परिणाम झाला होता.मात्र, आता कार्यरत असलेले मंदिर अधिकारी सुरेश बाबू यांनी आधीच कापडी पिशव्या बनवण्याचे आदेश दिले आहेत. प्लास्टिकवर पूर्णपणे बंदी घातील जाईल, असे आश्वासन त्यांनी दिले आहे. मंदिर परिसरातील विक्रेत्यांनाही प्लास्टिक पिशव्या न वापरण्याचे आदेश देण्यात आले आहेत. मंदिरातल्या महामंडप भागात पूजेसाठीच्या साहित्याची विक्री केली जाते. तेथील दुकानदारांनी प्लास्टिक वापर आधीच थांबवला आहे. विजयवाडा शहराला प्लास्टिक मुक्त बनवण्यासाठी मंदिर प्रशासन, दुकानदार आणि भाविकांचा प्रयत्न पर्यावरणासाठी नक्कीच फायदेशीर ठरेल यात शंका नाही.